Bukosh, përfshihet nga zjarri një traktor

Në fshatin Bukosh të Komunës së Suharekës është raportuar për një zjarr, ku fillimisht bëhej e ditur se është përfshirë një traktor.

Intervenimi i shpejtë i zjarrfikësve të qytetit, ka mundësuar që zjarri të lokalizohet, ku nga kjo është shpëtuar traktori, ndërsa presa është djegur e tëra.

Sipas zjarrfikësve të qytetit, rasti ka ndodhur sot rreth orës 09:10 minuta, të cilët kanë intervenuar dhe kanë arritur që të evitojnë dëmet e mëtutjeshme.

Sipas të dhënave të deritanishme deri te shkaktimi i zjarrit kishte ardhur vetvetiu nga presa.