Tufë derrash shkaktojnë aksident në autostradë, afër fshatit Duhël – lëndohet shoferi i automjetit

Nga Policia e Kosovës kanë theksuar se aksidenti ka ndodhur afër fshatit Duhël të Suharekës, si pasojë ngasësi i automjetit ka marrë lëndime trupore.

Po ashtu, nga policia kanë bërë të ditur se sipas informacioneve që kanë deri tash gjendja e tij është stabile.

“Ju njoftojmë se rreth orës 19:40 në autostradën Ibrahim Rugova, përkatësisht në Duhël, një veturë me targa vendore ka goditur një tufë derrash të egër. Vozitësi i veturës ka marrë lëndime trupore si dhe sipas informacioneve qe kemi deri tash gjendja e tij është stabile”, zyrtarja e policisë për media, Luljeta Mehmeti.

Ndërkaq, sipas policisë Shoqata e Gjuetarëve ka larguar derrat nga rruga dhe qarkullimi i automjeteve është normalizuar.

Në vendngjarje kanë dalë edhe njësitë relavante për mirmbajtjen e rrugës.