Tjetër kapje me marihuanë, policia ndalon një person në Suharekë

Te dielen, gjatë një kontrolli rutinë të një automjeti në rrugën “Brigada 123”, forcat e rendit kanë gjetur substanca narkotike në posedim të drejtuesit të mjetit, një burrë kosovar.

Sipas njoftimit zyrtar, gjatë kontrollit të detajuar të veturës, policia ka konfiskuar: dy pako rizlla për cigare, një mjet për grirjen e substancës (grinder) dhe një qese plastike me një substancë të dyshuar si marihuanë, me peshë totale prej 6.91 gram.

“I dyshuari është arrestuar dhe pas intervistimit nga ana e hetuesve, me vendim të prokurorit kompetent, është liruar dhe rasti do të vazhdojë në procedurë të rregullt,” thuhet në komunikatën e Policisë së Kosovës.

Autoritetet nuk kanë dhënë detaje të tjera në lidhje me identitetin e të dyshuarit apo destinacionin e substancës narkotike. Rasti mbetet nën hetim