Thyhet një lokal në Suharekë, vjedhen gjësende në vlerë prej 20 mijë euro

Të enjten rreth orës 05:00 në Suharekë është raportuar për një vjedhje në një lokal.

Sipas burimeve të SuharekaOnline dyshohet të jenë vjedhur gjësende në vlerë prej 20 mijë euro.

Lajmin për SuharekaOnline e ka konfirmuar edhe zëdhënësi i Policisë së Kosovës për Rajonin e Prizrenit, togeri Shaban Osmanollaj, i cili ka thënë se me datë 22.04.2021 në ora 05:00 është raportuar për një vjedhje në qendren tregtare ”Neptun”, duke shtuar se njësitet patrulluese dhe sektori i hetimeve iu kanë përgjigjur rastit.

Osmanollaj tutje ka thënë se policia ka dalë në vendngjarje ku edhe ka vërejtur se një dritare e lokalit është hapur me forcë.

Ndërsa, në mëngjes policia është njoftuar edhe nga menaxheri i ”Neptun” se persona të dyshuar kanë hyrë me forcë në këtë lokal.

Osmanollaj për SuharekaOnline ka thënë se sektori rajonal i hetimeve  dhe forenzika kanë dalë në vendin e ngjarjes dhe janë duke u zhvilluar hetimet.

Sipas ankuesit vlera e gjësendeve të vjedhura është afërsisht 20.000 euro.