Temperaturat deri në 28 gradë, moti sot në Suharekë

Instituti Hidrometeorologjik i Kosovës paralajmëroi se vendi ynë do të vazhdojë të mbetet nën ndikimin e masave të ajrit me presion të lartë atmosferik dhe në këto kushte meteorologjike, do të mbajë mot kryesisht me diell.

Për pjesën e dytë të ditës së sotme parashihet të ketë kushte për formim të vranësirave të dendura, të cilat do të mundësojnë që vende-vende të ketë reshje të izoluara shiu.

Në fushat termike priten të ketë rritje, kështu që në Komunën e Suharekës temperaturat minimale parashihen të lëvizin ndërmjet 12-14 gradë celsius, ndërsa temperaturat maksimale, parashihen të lëvizin ndërmjet 24-28 gradë celsius.

Kjo situatë e krijuar meteorologjike do të ndikojë edhe në përmirësimin e cilësisë së ajrit.

Indeksi UV do të jetë i lartë dhe preferohet që nga ora 10-17 mos të jemi në kontakt direkt me diellin, sidomos personat që kanë sëmundje kronike, ose të bartin ombrella me ngjyrë të hapur dhe gjithashtu dhe rroba me ngjyrë të hapur.

Edhe shkalla e avullimeve do të jetë e lartë, meqë ditëve të fundit kishim reshje të konsiderueshme.

Do të fryjë erë nga drejtimi i juglindjes me shpejtësi 1-7 m/s.

© SuharekaOnline. Të gjitha të drejtat janë të rezervuara.