Suharekë, vazhdon rënia e numrit të familjeve që marrin ndihmë sociale

Agjencia e Statistikave të Kosovës (ASK) publikon Statistikat e Mirëqenies Sociale për muajin nëntor 2022.

Ky publikim ndër tjerash ofron të dhëna për numrin e përfituesve nga skema e ndihmës sociale.

Sipas rezultateve të dala nga ky publikim rezulton se gjatë muajit nëntor të vitit 2022 nga skema e ndihmës sociale kanë përfituar 23,100 familje me gjithsej 91,263 anëtarë, raporton SuharekaOnline.

Duke u bazuar në të dhënat e Agjencisë së Statistikave të Kosovës që ka siguruar SuharekaOnline bëhet e ditur se gjatë muajit nëntor të këtij viti në Komunën e Suharekës nga skema e ndihmës sociale kanë përfituar 445 familje me gjithsej 1,953 anëtar.

Në bazë të dhënave zyrtare të cilat janë botuar në Statistikat e Mirëqenies Sociale figurojnë edhe të dhënat për muajt e kaluar të këtij viti të cilat po t’i krahasojmë rezulton se numri i familjeve që kanë përfituar nga skema e ndihmës sociale për muajin nëntor është më i vogël, se sa ai që ishte në muajin janar ku numri i këtyre familjeve ishte 503.

Më poshtë është punuar një tabelë e cila përmban të dhëna zyrtare për numrin e familjeve dhe anëtarëve të tyre që kanë përfituar nga skema e ndihmës sociale.