Suharekë, rritet numri i familjeve që marrin ndihmë sociale

Agjencia e Statistikave të Kosovës (ASK) publikon Statistikat e Mirëqenies Sociale për muajin dhjetor 2022.

Ky publikim ndër tjerash ofron të dhëna për numrin e përfituesve nga skema e ndihmës sociale, raporton SuharekaOnline.

Sipas rezultateve të dala nga ky publikim rezulton se gjatë muajit dhjetor 2022 nga skema e ndihmës sociale kanë përfituar 22,980 familje me gjithsej 90,806 anëtarë.

Në bazë të të dhënave të ASK-së rezulton se në Komunën e Suharekës gjatë muajit dhjetor 2022 nga skema e ndihmës sociale kanë përfituar 450 familje me 1,975 anëtarë.

Duke krahasuar këtë numër me atë të muajit nëntor 2022, rezulton se numri i familjeve që kanë përfituar nga skema e ndihmës sociale është rritur.

Më poshtë është punuar një tabelë e cila përmban të dhëna zyrtare për numrin e familjeve dhe anëtarëve të tyre që kanë përfituar nga skema e ndihmës sociale.