Suhareka renditet e 21-ta në Kosovë për nga numri i familjeve që marrin ndihmë sociale

Skema e Ndihmës Sociale është mbështetje dhe ofrim i ndihmës së përkohshme financiare për familjet që jetojnë në kushte jo të mira.

Agjencia e Statistikave të Kosovës vazhdimisht publikon numrin e familjeve që përfitojnë nga skema e ndihmës sociale, raporton SuharekaOnline.

Në bazë të dhënave të ASK-së për muajin maj në Kosovë janë gjithsej 21.312 familje të cilat marrin ndihmë sociale nga shteti, numër ky që nga muaji janar deri më tani ka shënuar rënie.

Sipas ASK-së numër më të madh të familjeve që përfitojnë nga skema e ndihmës sociale ka Mitrovica e cila renditet e para me 2.059 familje të kësaj kategorie.

Duke analizuar të dhënat e ASK-së, figuron se Komuna e Suharekës në muajin maj të këtij viti ka regjistruar gjithsej 420 familje të cilat marrin ndihmë sociale nga shteti, numër ky i cili nga muaji në muaj ka shënuar rënie.

Me këtë numër të familjeve i cili nga muaji në muaj ka pësuar ndryshime, kryesisht rënie, Komuna e Suharekës, sipas ASK-së renditet e 21-ta nga 38 komuna.

Ndërsa, Komuna e cila ka numrin më të vogël të familjeve që përfitojnë asistencë sociale, është Komuna e Mamushës, e cila në muajin maj kishte regjistruar vetëm 18 familje të kësaj kategorie.