Suhareka në zonën e gjelbër, brenda një jave u regjistruan 31 raste me COVID-19
Numri i rasteve pozitive me COVID-19 në Kosovë ditëve të fundit ka shënuar rritje, duke e krahasuar me ditët e para të muajit shkurt të këtij viti. Në bazë të raportimeve ditore nga Instituti Kombëtar i Shëndetësisë Publike në Kosovë është bërë e ditur se në Komunën e Suharekës nga data 20 deri më 27 […]
Numri i rasteve pozitive me COVID-19 në Kosovë ditëve të fundit ka shënuar rritje, duke e krahasuar me ditët e para të muajit shkurt të këtij viti.
Në bazë të raportimeve ditore nga Instituti Kombëtar i Shëndetësisë Publike në Kosovë është bërë e ditur se në Komunën e Suharekës nga data 20 deri më 27 shkurt janë identifikuar 31 raste pozitive me COVID-19.
Gjatë këtyre 8 ditëve në Komunën e Suharekës gjithashtu është raportuar për një viktimë të moshës 80 vjeç, duke e arritur numrin total të viktimave në 58, raporton SuharekaOnline.
Ndërsa, që nga muaji mars i vitit të kaluar deri më tani në Komunën e Suharekës janë regjistruar mbi 1,150 raste pozitive me COVID-19.
Komuna e Suharekës aktualisht bënë pjesë në zonën e gjelbër, ndërsa në mbledhjen e Asamblesë Komunale në Suharekë, e cila është mbajtur gjatë ditës së premte, i pari i komunës, Bali Muharremaj ka thënë se aktualisht në komunën tonë janë mbi 300 raste aktive me COVID-19, shifër kjo më e madhja që nga fillimii pandemisë.
Më datë 26 shkurt në Komunën e Suharekës janë identifikuar shtatë raste pozitive me këtë virus, numër ky rekord brenda një jave, ku edhe është raportuar një viktimë.
Data | Rastet pozitive | Viktima |
20 shkurt, 2021 | 5 | 0 |
21 shkurt, 2021 | 1 | 0 |
22 shkurt, 2021 | 5 | 0 |
23 shkurt, 2021 | 5 | 0 |
24 shkurt, 2021 | 3 | 0 |
25 shkurt, 2021 | 4 | 0 |
26 shkurt, 2021 | 7 | 1 (80 vjeç) |
27 shkurt, 2021 | 1 | 0 |
Gjithsej | 31 | 1 |