Shpenzime marramendëse, Komuna e Suharekës për dy muaj shpenzoi mbi 13 mijë e 400 euro për dreka jozyrtare
Në shpenzimet e periudhës prill dhe maj 2023, sipas njësive buxhetore dhe kodeve ekonomike të Komunës së Suharekës, ndër tjerash figurojn edhe shpenzimet për dreka jozyrtare. Në bazë të raportit të publikuar në webfaqen e Komunës së Suharekës figuron që në muajin prill dhe maj të vitit 2023, Komuna e Suharekës ka shpenzuar një shifër […]
Në shpenzimet e periudhës prill dhe maj 2023, sipas njësive buxhetore dhe kodeve ekonomike të Komunës së Suharekës, ndër tjerash figurojn edhe shpenzimet për dreka jozyrtare.
Në bazë të raportit të publikuar në webfaqen e Komunës së Suharekës figuron që në muajin prill dhe maj të vitit 2023, Komuna e Suharekës ka shpenzuar një shifër marramendëse për dreka jozyrtare, e cila arrinë vlerën prej 13,402.99 euro, shkruan SuharekaOnline.
Në të dhënat që ka siguruar redaksia e SuharekaOnline bëhet e ditur se në muajin prill Komuna e Suharekës ka shpenzuar 1,488.60 euro për drej jo zyrtare. Shpenzime më të mëdha për dreka jozyrtare gjatë muajit prill 2023, ka bërë Zyra e Kryetarit të Komunës së Suharekës, Bali Muharremaj, e cila kap vlerën 708.60 euro.
Njësia Buxhetore | Dreka jozyrtare, prill 2023 |
Zyra e Kryetarit | 708.60 euro |
Administrata | 160.00 euro |
Inspekcioni | 70.00 euro |
Zyra e Kuvendit Komunal | 110.00 euro |
Buxheti | 170.00 euro |
Shërbimet Publike | 90.00 euro |
Planifikimi Urbanizmi Inspekcioni | 70.00 euro |
Administrata | 110.00 euro |
TOTALI: | 1,488.60 EURO |
Shpenzimet për drekat jozyrtare në muajin maj 2023, kanë shënuar rritje të madhe në Komunën e Suharekës të cilat janë regjistruar në vlerë prej 11,914.39 euro, ku prej tyre 9.356,66 euro janë shpenzuar nga Arsimi Parafillor, Arsimi Fillor dhe ai i Mesëm. Poashtu, në muajin maj të këtij viti zyra e kryetarit ka bërë shpenzime në vlerë prej 645.07 euro.
Pra, nga të dhënat e publikuara në webfaqen e Komunës së Suharekës, Zyra e Kryetarit, Bali Muharremaj, për dy muaj ka shpenzuar 1,353.67 euro për drekat jozyrtare.
Njësia Buxhetore | Dreka jozyrtare, maj 2023 |
Zyra e Kryetarit | 645.07 euro |
Administrata | 259.24 euro |
Inspekcioni | 70.00 euro |
Zyra e Kuvendit Komunal | 110.00 euro |
Buxheti | 268.55 euro |
Shërbimet Publike | 70.00 euro |
Bujqësia | 140.00 euro |
Shërbimet Kadastrale | 100.00 euro |
Planifikimi Urbanizmi Inspekcioni | 70.00 euro |
Administrata | 150.00 euro |
Shërbimet e Kujdesit Primar | 207.06 euro |
Shërbimet Kulturore | 149.00 euro |
Administrata | 280.10 euro |
Arsimi Parafillor | 711.44 euro |
Arsimi Fillor | 8,447.32 euro |
Arsimi i Mesëm | 197.90 euro |
TOTALI: | 11,914.39 EURO |
Muaji/Viti | Shuma e shpenzuar për drekat jozyrtare nga Komuna e Suharekës |
Prill/2023 | 1,488.60 euro |
Maj/2023 | 11,914.39 euro |
TOTALI: | 13,402.99 EURO |