Shënon rënie numri i familjeve në Suharekë që përfitojnë nga skema e pensioneve familjare
Agjencia e Statistikave të Kosovës (ASK) publikon Statistikat e Mirëqenies Sociale për muajin nentor 2022. Ky publikim ndër tjerash ofron të dhëna për numrin e përfituesve nga skema për pensionet familjare, raporton SuharekaOnline. Sipas rezultateve të dala nga ky publikim figuron se gjatë muajit nëntor 2022 nga kjo skemë kanë përfituar 3.252 familje, numër ky […]
Agjencia e Statistikave të Kosovës (ASK) publikon Statistikat e Mirëqenies Sociale për muajin nentor 2022.
Ky publikim ndër tjerash ofron të dhëna për numrin e përfituesve nga skema për pensionet familjare, raporton SuharekaOnline.
Sipas rezultateve të dala nga ky publikim figuron se gjatë muajit nëntor 2022 nga kjo skemë kanë përfituar 3.252 familje, numër ky i cili po të krahasohet me atë të muajve të kaluar rezulton se ka shënuar rënie.
Muaji | Nr. i familjeve që kanë përfituar nga skema e pensioneve familjare në tërë Kosovën |
Janar, 2022 | 3.517 |
Shkurt, 2022 | 3.506 |
Mars, 2022 | 3.477 |
Prill, 2022 | 3.431 |
Maj, 2022 | 3.372 |
Qershor, 2022 | 3.361 |
Korrik, 2022 | 3.335 |
Gusht, 2022 | 3.318 |
Shtator, 2022 | 3.311 |
Tetor, 2022 | 3.300 |
Nëntor, 2022 | 3.252 |
Në janar të vitit të kaluar, 2022, nga kjo skemë kishin përfituar 3.517 familje në tërë Kosovën.
Duke u bazuar në statistikat e ASK-së figuron se në Komunën e Suharekës gjatë muajit nëntor 2022, nga kjo skemë kanë përfituar 96 familje, numër ky më i vogël se ai i 10 muajve të kaluar.
Në muajin janar të vitit që lamë pas në Komunën e Suharekës janë regjistruar gjithsej 100 familje të cilat përfitojnë nga skema e pensioneve familjare, në muajin shkurt ky numër ishte rritur në 103, ndërsa në mars kishte rënë në 101 dhe në prill të vitit 2022 numri i këtyre familjeve ishte rritur në 102.
Muaji | Nr. i familjeve që kanë përfituar nga skema e pensioneve familjare në Komunën e Suharekës |
Janar, 2022 | 100 |
Shkurt, 2022 | 103 |
Mars, 2022 | 101 |
Prill, 2022 | 102 |
Maj, 2022 | 99 |
Qershor, 2022 | 99 |
Korrik, 2022 | 99 |
Gusht, 2022 | 98 |
Shtator, 2022 | 99 |
Tetor, 2022 | 99 |
Nëntor, 2022 | 96 |
Pensioni familjar – pensioni i rregullt mujor i paguar për anëtarët e familjes në rast të vdekjes së të
punësuarit, që ka qenë në marrëdhënie pune, të cilët i plotësojnë kriteret e parapara me ligjin në fuqi.
Të drejtën për pension familjar e realizojnë të gjithë ish shfrytëzuesit e pensionit familjar të cilët janë nën
moshën gjashtëdhjetë e pesë (65) vjeçare. Shuma mujore e këtij pensioni është 100 €.