Semetisht: Duke bartur një shtyllë, nga pakujdesia me traktor lëndon tre fëmijë

Në stacionin policor në Suharekë të shtunën rreth orës 18:30 është raportuar për një rast të shkaktimit të përgjithshëm në Semetisht.

Sipas raportit policor raportohet se i dyshuari me traktor duke bartur me rimorkio një shtyllë për vendosjen e harkut të basketbollit në një shkollë, në oborrin e shkollës nga pa kujdesia ka lënduar tre fëmijë meshkuj kosovarë.

Të lënduarit janë dërguar në Spitalin e Prizrenit dhe sipas mjekut, janë jashtë rrezikut për jetë.

Bëhet e ditur se rasti është duke u hetuar nga njësitë relevante të Policisë së Kosovës.