Rritja e rasteve me COVID-19, Suhareka kalon në zonën e verdhë

Ministria e Shëndetësisë ka bërë rangimin e ri të komunave sipas zonave bazuar në rezultatet e IKSHPK-së, përkatësisht numrin e rasteve të reja të COVID-19 në 100.000 banorë në intervalin kohor prej shtatë ditësh.

Sipas njoftimit të Ministrisë së Shëndetësisë, Komuna e Suharekës nga zona e gjelbër, kalon në zonën e verdhë, shkruan SuharekaOnline.

Ministria e Shëndetësisë ka bërë të ditur se ky kategorizim i komunave vlenë nga sot (05 mars) deri më 12 mars.

Ministria e Shëndetësisë ka miratuar masa të veçanta për Komunën e Suharekës, të cilat janë:

1. Operatorëve ekonomik iu lejohet puna nga 05:00 deri në 22:00.
2. Qendrat tregtare lejohen të punojnë 05:00 deri në 22:00
3. Shërbimet e Hotelerisë dhe Gastronomisë lejohen të punojnë 05:00 deri në 22:00, ndërkaq pas orës 22:00 punojnë me shërbim ”merre me vete” dhe ”porosi me dërgesë”.
4. Të gjitha institucione publike dhe ato private këshillohet të reduktojnë stafin bazuar sspecifikat e tyre dhe ”Manualin për mbrojtjen nga përhapja e COVID-19.
5. Transporti publik lejohet të punojë duke shfrytëzuar deri në 50% të kapaciteteve.
6. Taksistët lejohet të punojnë me një pasagjer deri në 3 nëse janë anëtar të familjes.
7. Institucionet vartëse të MKRS dhe komunave (teatort, biblioteka, filarmonia, galeria, ansamblet, baleti, kinematë, qendrt rinore, muzetë, etj) lejohet të punojnë deri në ora 22:00, duke shfrytëzuar sallat apo objektet e tyre të punës deri në 40%.
8. Lejohen fitneset dhe pishinat e mbyllura për aktivitete individuale rekreative, duke shfrytëzuar deri në 40% të hapësirave/sipërfaqeve.
9. Lejohen aktivitetet sportive në hapësira të hapura dhe mbyllura, ku gjatë stërvitjeve lejohen deri në 20 persona, ndërsa gjatë garave deri në 50 persona.