Rreth 600 nxënës të rinjë do t’i shtohen shkollave të Suharekës

New Born Agency

Fluturime direkte nga Ljublana në Prishtinë dhe anasjelltas!

Viti i ri shkollor 2023/2024, pritet të filloj me një shtator, 2023.

Nga Ministria e Arsimit, Shkencës dhe Teknologjisë thuhet se viti i ri shkollor 2023/2024 do të filloj me një shtator (e premte) dhe se nuk do të ketë shtyrje.

Lidhur me fillimin e vitit të ri shkollor, SuharekaOnline ka kontaktuar Drejtorin e Arsimit në Suharekë, Remzi Bajselmani, i cili është shprehur se viti i ri shkollor 2023/2024, ashtu si në shkollat e tjera të vendit pritet të filloj edhe në shkollat e Komunës së Suharekës.

Ai theksoi se ende nuk kanë pranuar kalendarin zyrtar nga MASHT-i, mirëpo në bazë të disa publikimeve thuhet se të premtën e një shtatorit nxënësit do t’iu rikthehen bankave shkollore.

Tutje në një përgjigje për SuharekaOnline Bajselmani ka njoftuar se këtë vit shkollor në bazë të dhënave pritet që rreth 600 nxënës të rinjë do t’i shtohen shkollave të Suharekës, duke shtuar se numri mund të jetë edhe mbi 600 pasi që disa prej nxënësve kanë qenë të regjistruar në çerdhe private.