QKMF e Suharekës furnizohet me insulina

Qendra Kryesore e Mjekësisë Familjare në Suharekë përmes një njoftimi ka bërë të ditur se është furnizuar me insulina.

Sipas njoftimit të QKMF-së furnizimi është bërë me insulinë të llojit Novomix dhe Novorapid dhe që nga sot qytetarët mund ti marrin ato.

Kujtojmë se Ministria e Shëndetësisë ditë më parë kishte njoftuar se ka filluar shpërndarja e insulinave në Qendrat Kryesore të Mjekësisë Familjare (QKMF) të Kosovës.

MSH-ja përmes një njoftimi kishte bërë të ditur se pas hapjes së rrugëve ligjore, kjo ministri ka përfunduar të gjitha procedurat për furnizimin e insulinave.