Për një muaj Komuna e Suharekës shpenzoi afër 2 mijë euro për telefoni mobile

21.07.2023 Suharekë

Sigurimi Internacional

Ofertë speciale

Në shpenzimet e muajit prill dhe qershor 2023, sipas njësive buxhetore dhe kodeve ekonomike të Komunës së Suharekës ndër tjerash figurojnë edhe ato të telefonisë mobile.

Në bazë të publikimeve në webfaqen e Komunës së Suharekës bëhet e ditur se për telefoni mobile për muajin qershor të vitit 2023, janë shpenzuar 1,926.73 euro, shkruan SuharekaOnline.

Shpenzime më të mëdha për telefoni mobile janë bërë nga Drejtoria e Arsimit, e cila ka shpenzuar plotë 480 euro, faturë kjo e cila figuron në shpenzimet e muajit qershor 2023 dhe është e ndarë në dy pjesë dhe bëhet e ditur se 240 euro janë shpenzuar nga arsimi parafillor dhe 240 të tjera nga arsimi fillor.

Pas kësaj drejtorie,me 346.42 euro shpenzime për telefoni mobile për muajin qershor, renditet Drejtoria e Shërbimeve Publike në Suharekë.

Ndërsa gjatë periudhës së njejtë kohore, Zyre e Kryetarit të Komunës së Suharekës, Bali Muharremaj, ka shpenzuar 200 euro për telefoni mobile.

Njesia	Shpenzimet e Telefonisë Mobile, qershor 2023
Zyra e Kryetarit	200.00 euro
Inspekcioni	210.00 euro
Buxheti	40.00 euro
Shërbimet Publike	346.42 euro
Bujqësia	280.00 euro
Planifikimi, Urbanizmi, Inspekcioni	240.00 euro
Administrata	17.95 euro
Administrata	90.00 euro
Arsimi Parafillor	240.00 euro
Arsimi Fillor	240.00 euro
Shërbimet Sociale	22.36 euro
TOTALI:	1,926.73 euro