Për 9 muaj Komuna e Suharekës mori 92 mijë euro nga taksat e automjeteve
Ligji për Financat e Pushtetit Lokal përcakton se burimet e të hyrave komunale përveç grantëve qeveritare përbëhen edhe nga të hyrat vetanake, të cilat mblidhen nga komunat në emër të shërbimeve të ofruara për qytetarët. Të hyrat vetanake të komunave nga tatimet dhe taksat përbëjnë shtyllën kryesore prej së cilës varet qëndrueshmëria financiare e një […]
Ligji për Financat e Pushtetit Lokal përcakton se burimet e të hyrave komunale përveç grantëve qeveritare përbëhen edhe nga të hyrat vetanake, të cilat mblidhen nga komunat në emër të shërbimeve të ofruara për qytetarët.
Të hyrat vetanake të komunave nga tatimet dhe taksat përbëjnë shtyllën kryesore prej së cilës varet qëndrueshmëria financiare e një komune, ato kontribuojnë në shtimin e buxhetit të një komune dhe si të tilla përbëjnë burim të rëndësishëm të të ardhurave komunale.
Ditë më par SuharekaOnline ka raportuar se nga pasqyra e të hyrave vetanake të realizuara në vitin 2020 (janar-shator) nga Komuna e Suharekës shifet se të hyrat janë më të vogla se planifikimi i tyre për 30.89 % ose ato janë realizuar në masën prej 69.11%, ku në masën totale ato janë realizuar 1,021,437.39 euro për periudhën raportuese, kurse krahasuar me realizimin e vitit 2019 për periudhën e njëjtë të vitit fiskal ato janë realizuar për 24.67 % më pak apo shprehur në vlerë (1,021,437,39-(minus) 1,355,869.35) = 334,431.96 euro më pak se në periudhën e njëjtë të vitit të kaluar.
Gjatë këtij 9 mujori Komuna e Suharekës më së shumti të hyra ka pranuar nga tatimi në pronë (459,538.11 euro), gjobat në trafik dhe nga gjykata (153,352.27 euro) etj.
Janar – Shtator 2020 | Të hyrat |
Tatimi në pronë | 459,538.11 € |
Taksa për Leje Ndërtimi | 152,759.56 € |
Taksa për shfrytëzim të hapësirave publike (Qeraja e lokaleve dhe shfrytezimi i prones publike) | 46,021.86 € |
Taksa per biznese | 84,491.12 € |
Taksa për çertifikata dhe dokumente | 37,591.00 € |
Gjoba ne trafik dhe nga Gjykata | 153,352.27 € |
Donacione | 75,760.00 € |
Taksa për automjete | 92,070.00 € |
Taksa per gjeodezi dhe kadaster | 64,435.23 € |
Participim në Shëndetësi (QKMF dhe Dep I shendetesise | 44,232.20 € |
Participim në Arsim (perfshire SHMT Skender Luarasi) | 12,794.00 € |
Të hyra tjera (Licence, Pelqim sanitar, Kulture, QPS, Bujqesi) | 27,504.37 € |