Ndahen afër 70 mijë euro për ndërtimin e disa rrugëve lokale në Duhël e Nëpërbisht

Komuna e Suharekës ka njoftuar për kontrta për ndërtimin e disa rrugëve lokale.

Sipas njoftimit të komunës bëhet e ditur se janë ndarë 66,692.75 euro për ndërtimin e rrugëve lokale në fshatin Duhël dhe Nëpërbisht, raporton SuharekaOnline.

Komuna e Suharekës ka njoftuar se do të ndërtohen rrugët lokale si: “Shote Galica”-segment, “Sherfit Qatani”-segment, “Vëllezërit Qatani”-faza e dytë, “Vëllezërit Qatani”-segment, “Hivzi Sylejmani” në Duhël.

Në njoftim tutje bëhet e ditur se për ndërtimin e këtyre rrugëve janë ndarë 23,317.42 euro.

Përveç ndërtimit të këtyre rrugëve, Komuna e Suharekës ka njoftuar se do të ndërtohen edhe rrugët lokale si: “Bajram Sh. Kryeziu”, ” Mal Hajdari”, “Xhemajli Bytyqi”, “Isa Shala”
-Faza e dytë “Isa Shala”, “Haxhi Zyberi”, “Muhamet Qamili” në Nëpërbisht.

Ndërsa, pëtr ndërtimin e këtyre rrugëve lokale Komuna e Suharekës ka ndarë 43,375.33 euro.