Muharremaj: Zjarrfikësit, urgjenca, ekoregjioni dhe hidroregjioni do të barten në zonën e Damperit

Kryetari aktual i Suharekës, dhe kandidati i AAK-së, për kryetar në komunën e Suharekës në zgjedhjet e 17 tetorit, Bali Muharremaj ka thënë se në mandatin e ardhshëm ka për projekt që të gjitha shërbimet publike ti bart në zonën e damperit.

Duke filluar nga ekoregjioni, hidroregjioni, urgjenca dhe njësiti i zjarrfikësve do të zhvendosen në zonën e damperit, pronë e cila me këmbëngulje i është kthyer Komunës së Suharekës, ka thënë Muharremaj.

Procesi i zhvendosjes së zjarrfikësve është një lëvizje strategjike pasi që ndërtohet një objekt i ri me standarte, gjithashtu është me rëndësi që të zhvendoset e tërë urgjenca pasi që mos të përzihet urgjenca me QKMF-në, shkruan SuharekaOnline.

Gjithashtu Muharremaj ka thënë që pas zhvendosjes së hidroregjinit dhe ekoregjionit në atë pjesë do të ndërtohet një park i ri i qytetit.

Sipas të parit të Suharekës zhvendosjes nuk do ti shpëtojë as tregu javor, në mënyrë që mos të krijohen tollovi në qytet.