Muharremaj për stadiumin e qytetit: Ne jemi gati dhe e mbajmë fjalën!

Sigurimi Internacional

Ofertë speciale

Ministri i Ministrisë për Kulturë, Rini dhe Sport, Hajrulla Çeku ka thënë se në qytetin e Suharekës do të ndërtohet një stadium i ri i futbollit.

Komuna duhet ta sigurojë lokacionin, pasi të sigurohet lokacioni, komuna duhet ta hartojë projektin zbatues dhe në momentin që komuna i ndërmerr këto dy veprime, ministria dhe Qeveria e Kosovës do t’i ndajnë mjetet e nevojshme buxhetore për ndërtimin e stadiumit të ri të Suharekës”, ka thënë Çeku.

Ndërsa në reagimin e tij i pari i Komunës së Suharekës, Bali Muharremaj ka bërë të ditur se Komuna e Suharekës so të jetë bashkëpunuese.

“E dëgjova sot me vëmendje Ministrin e Kulturës Rinisë dhe Sportit z. Çeku për STADIUMIN dhe natyrisht e konfirmoj se Komuna e Suharekës si institucion do të jet bashkëpunuese, do të merr pjesë në financim sepse qytetarët e Suharekës e meritojnë.

Qyteti i Kampionëve ka kohë që e meriton.
U deshtën shumë fitore për këtë vëmendje.

Ne jemi gati dhe ne e mbajmë fjalën. 🙏

Po punojmë ndërkohë me shumë seriozitet për lokacionin, sepse komuna jonë ka hapsirë të pakët në pronësi të saj publike.

Sidoqoftë ne kemi vullnet dhe jemi të gatshëm për bashkëpunim” ka njoftuar Muharremaj.