Mbi 1600 veteranë të luftës në Suharekë marrin pagë nga shteti, numri rritet nga muaji në muaj!
Agjencia e Statistikave të Kosovës (ASK) ka publikuar “Statistikat e Mirëqenies Sociale” për tremujorin e dytë (TM2) 2021. Ky publikim ofron të dhëna për numrin e përfituesve nga skema e pensioneve për veteranët e luftës sipas komunave në Kosovës. Sipas rezultateve të dala nga ky publikim rezulton se gjatë periudhës TM1 2021, duke u bazuar […]
Agjencia e Statistikave të Kosovës (ASK) ka publikuar “Statistikat e Mirëqenies Sociale” për tremujorin e dytë (TM2) 2021.
Ky publikim ofron të dhëna për numrin e përfituesve nga skema e pensioneve për veteranët e luftës sipas komunave në Kosovës.
Sipas rezultateve të dala nga ky publikim rezulton se gjatë periudhës TM1 2021, duke u bazuar në gjendjen e muajit mars 2021, numri i përfituesve nga skema e pensioneve për veteranët e luftës ishte 38.280. Numri më i madh i përfituesve ishte në Komunën e Deçanit me gjithsej 4.063 ose 10,6% e numrit të përgjithshëm.
Ndërsa në Komunën e Suharekës vërehet rritje e numrit të personave që marrin pensione nga skema për veteranët e luftës.
Në muajin janar të këtij viti numri i përfituesve nga skema e pensioneve për veteranët e luftës ishte 1,604, ndërsa në muajin shkurt është rritur në 1,611 dhe në muajin mars përfitues ishin 1,613 persona.
Kurse, ky hov i rritjes së numrit të veteranëve që marrin pagë nga shteti në Komunën e Suharekës ka vazhduar edhe për tremujorin e dytë të 2021’s.
Në muajin prill të këtij viti në Suharekë numri i përfituesve nga skema e pensioneve për veteranët e luftës ishte 1,615, ndërsa në muajin prill është rritur në 1,616 dhe në muajin qershor ky numër u rrit në 1,619 të tillë.
Muaji | Numri i veteranëve të luftës në Suharekë që marrin pagë nga shteti |
Janar 2021 | 1,604 |
Shkurt 2021 | 1,611 |
Mars 2021 | 1,613 |
Prill 2021 | 1,615 |
Maj 2021 | 1,616 |
Qershor 2021 | 1,619 |