“Let’s Do It Kosova” pastron rrugën në Duhël të Suharekës dhe mbjell 50 drunj

Let’s Do It Kosova ka zhvilluar sot aksion pastrimi në Duhël të Suharekës, me ç’rast u larguan dhjetra kamionë me mbeturina kryesisht inerte si dhe mbi 50 thasë mbetje nga vullnetarët.

24.09.2021 / Suhareka

“Let’s Do It Kosova” pastron rrugën në Duhël të Suharekës dhe mbjell 50 drunj
Foto: Ilustrim

Së bashku me përfaqësues nga komuna e Suharekës kjo organizatë ka organizuar aksionin për pastrimin e deponisë ilegale të mbeturinave në kodrën mbi fshatin Duhël.

Pas përfundimit të pastrimit të deponisë, në hapësirën e pastruar u mbollën 50 drunj, kjo për të ndikuar në mirëmbajtjen e asaj zone.


Komuna e Suharekës u zotua se do të mbetet e përkushtuar në angazhimin e saj për mirëmbajtjen e mjedisit. Ky aksion u organizua në kuadër të aktiviteteve për “Ditën e Pastrimit të Botës”.

Para aksionit

Let’s Do It u bënë thirrje të gjitha komunave, institucioneve të tjera gjegjëse si dhe qytetarëve që të vazhdojnë në përditshmëri angazhimin e tyre për mjedisin ku jetojnë e veprojnë.

Mjedisi është shtëpia jonë e përbashkët, ta ruajmë atë për veten, familjen, shtetin dhe gjeneratat që do të vijnë.

Pas aksionit
KOMENTE0

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *