Krahasuar me vitin shkollor 2019/20, këtë vit shënon rënie numri i nxënësve në arsimin e lartë të mesëm në Suharekë

Agjencia e Statistikave të Kosovës (ASK) në bashkëpunim me Ministrinë e Arsimit dhe Shkencës, Teknologjisë dhe Inovacionit (MASHTI) kanë publikuar “Statistikat e Arsimit, 2020/2021”.

Ky publikim ofron informata statistikore për parashkollorë, arsimin fillor dhe të mesëm të ulët, arsimin e mesëm të lartë, arsimin special, si dhe informata statistikore për arsimin universitar për sektorin publik dhe privat.

SuharekaOnline ka mbledhur statistikat e arsimit edhe për vitin shkollor 2019/2020.

Sipas këtyre statistikave bëhet e ditur se numri i nxënësve në arsimin e mesëm të lartë në vitin 2020/21 ka rënie duke krahasuar me vitin shkollor 2019/20.

Në vitin shkollor 2019/20 sipas statistikave bëhet e ditur se në arsimin e mesëm të lartë në Komunën e Suharekës kanë qenë 2,343 nxënës, ku prej tyre 1,234 meshkuj dhe 1,109 femra.

Ndërsa në vitin shkollor 2020/21 sa i përket arsimit të mesëm të lartë ky numër ka rënë në 2,088 nxënës, prej tyre 1,089 meshkuj dhe 999 femra.