Komuna e Suharekës vazhdon me shpenzime të mëdha për dreka jozyrtare, për 1 muaj shpenzoi afër 13 mijë euro
Në shpenzimet e muajit qershor 2023, sipas njësive buxhetore dhe kodeve ekonomike të Komunës së Suharekës, ndër tjerash figurojn edhe shpenzimet për dreka jozyrtare. Në bazë të raportit të publikuar në webfaqen e Komunës së Suharekës figuron që në muajin qershor të vitit 2023, Komuna e Suharekës ka shpenzuar një shifër marramendëse për dreka jozyrtare, […]
Foto: Ilustrim
Në shpenzimet e muajit qershor 2023, sipas njësive buxhetore dhe kodeve ekonomike të Komunës së Suharekës, ndër tjerash figurojn edhe shpenzimet për dreka jozyrtare.
Në bazë të raportit të publikuar në webfaqen e Komunës së Suharekës figuron që në muajin qershor të vitit 2023, Komuna e Suharekës ka shpenzuar një shifër marramendëse për dreka jozyrtare, shkruan SuharekaOnline.
Në të dhënat që ka siguruar redaksia e SuharekaOnline bëhet e ditur se në muajin qershor Komuna e Suharekës ka shpenzuar 12.891,21 euro për dreka jo zyrtare. Shpenzime më të mëdha për dreka jozyrtare gjatë muajit prill 2023, ka bërë Zyra e Kryetarit të Komunës së Suharekës, Bali Muharremaj, e cila kap vlerën 759.50 euro.
| Njësia Buxhetore | Dreka jozyrtare, qershor 2023 |
| Zyra e Kryetarit | 759.50 euro |
| Administrata | 120.00 euro |
| Zyra e Kuvendit Komunal | 110.00 euro |
| Buxheti | 210.00 euro |
| Shërbimet Publike | 70.00 euro |
| Bujqësia | 70.00 euro |
| Shërbimet Kadastrale | 50.00 euro |
| Administrata | 128.20 euro |
| Shërbimet e Kujdesit Primar Shëndetësor | 20.00 euro |
| Shërbimet Kulturore | 73.93 euro |
| Administrata | 110.00 euro |
| Arsimi Parafillor | 364.07 euro |
| Arsimi Fillor | 10,706.22 euro |
| Arsimi Mesëm | 99.30 euro |
| TOTALI: | 12,891.21 EURO |
Duke analizuar të dhënat, vërehet që shpenzime më të mëdha sa u përketë drekave jozyrtare janë regjistruar në Drejtorinë e Arsimit (arsimi parafillor, fillor dhe i mesëm), ku vlera e tyre arrinë në 11,169.59 euro.
