Këshilli Komunal për Siguri në Bashkësi në Suharekë mbajti sot takimin e rregulltë

Takimi adresoi një sërë çështjesh kyçe që prekin sigurinë dhe mirëqenien e qytetarëve të Suharekës.

Rendi i ditës përfshinte:

1. Miratimi i procesverbalit nga mbledhja e kaluar.
2. Diskutim për aktivitetet e organizuara nga Drejtoria e Arsimit për maturantët.
3. Prishja e rendit dhe qetësisë publike nga lokalet e natës dhe personat e papërgjegjshëm.
4. Parapërgatitja dhe vetëdijesimi i qytetarëve për mbrojtjen nga zjarri gjatë sezonit veror.
5. Identifikimi i hapësirave publike ku cenohet lëvizja e lirë e qytetarëve.

Pas diskutimeve të detajuara dhe sqarimeve nga anëtarët, KKSB-ja nxori disa rekomandime të rëndësishme për zbatim në të ardhmen.

Rekomandimet kryesore të KKSB-së:

• Bashkëpunimi me Policinë: Të vazhdohet bashkëpunimi i ngushtë me Policinë e Kosovës, dhe anëtarët e KKSB-së, nëse kanë ndonjë informacion për prishje të rendit, të lajmërojnë menjëherë Policinë apo organet kompetente.
• Mbrojtja nga zjarri: Të rritet numri i zjarrfikësve apo të angazhohen zjarrfikës vullnetarë, sidomos tani në stinën e verës, kur rreziku nga zjarret është më i lartë. Gjithashtu, të bëhet apel i fuqishëm tek qytetarët për kujdes maksimal që të mos shkaktojnë zjarre.
• Qetësia Publike dhe Lëvizja e Lirë: Rekomandime të tjera që kishin të bënin me adresimin e problemeve të rendit dhe qetësisë publike nga lokalet e natës, si dhe identifikimin e hapësirave publike ku cenohet lëvizja e lirë e qytetarëve.

Ky takim nënvizon angazhimin e Komunës së Suharekës për të siguruar një ambient më të sigurt dhe më të qetë për të gjithë banorët, duke synuar bashkëpunimin ndërinstitucional dhe vetëdijesimin qytetar.