Katër të vdekur në aksidente trafiku në dy ditët e fundit, një në Suharekë

Brenda dy ditëve të fundit në vendin tonë kanë humbur jetën në aksidente trafiku në rrugët e Kosovës.

28.12.2021 / Suhareka

Katër të vdekur në aksidente trafiku në dy ditët e fundit, një në Suharekë
Foto: Ilustrim

Më 26 dhjetor rreth orës 18:25, si pasojë e përplasjes së një veture me kamion ndërruan jetë dy persona, nip e axhë në Zajm të Klinës, M.G dhe A.G.

Sipas Policisë së Kosovës, këta dy persona fillimisht kishin pësuar lëndime të rënda trupore, ndërsa pastaj u dërguan në Spitalin e Pejës, ku mjeku kujdestar kishte njoftuar se ata kishin arritur atje pa shenja jete.


Ndërkaq, dje rreth orës 12:53, në dalje të fshatit Talinovc të Muhaxherëve në Ferizaj, ka humbur jetën një 36 vjeçare si pasojë e një vetaksidenti.

Policia e Kosovës kishte njoftuar se aksidenti dyshohet se ka ndodhur si pasojë e mospërshtatjes së shpejtësisë dhe kushteve në rrugë.

Derisa po voziste një 18-vjeçar kishte humbur kontrollin mbi automjet, kështu duke kaluar në anën e kundërt të drejtimi të lëvizjes, ku e ka goditur një shtyllë elektrike të betonit.

Ndërsa, dje rreth orës 20:00 në Suharekë ka humbur jetën një person I.J (emër i njohur për redaksinë) pasi u godit nga një veturë.

Rreth orës 20:00 në autostradë afër Suharekës, është shkaktuar një aksident trafiku me fatalitet.

Sipas informatave fillestare dyshohet se një automjet dhe një person këmbësor janë përfshirë në këtë aksident.

Njësitet kompetente kanë dalë në vendin e ngjarjes dhe pas raportimeve tjera do të njoftoheni për detajet, ka bërë të ditur zëdhënësi i Policisës së Kosovës Daut Hoxha.

Themele të sigurta të së ardhmes, N.T.P.SH “HALITI”, gjiganti i ndërtimit në Suharekë

Të investosh në të ardhmen është gjëja më e duhur që çdo person do duhej ta ketë parasysh në secilin...

Lexo më shumë
KOMENTE0

Leave a Reply

Your email address will not be published. Required fields are marked *