Kandidatja e AAK-së dega në Suharekë ankohet në PZAP për mungesë votash

Pas shpalljes së rezultateve përfundimtare nga KQZ, Paneli Zgjedhor për Ankesa dhe Parashtresa tashmë ka publikuar të gjithë ankesat e dërguara në këtë institucion nga kandidatët për deputetë dhe subjektet e tyre.

Shumica e kandidatëve janë ankuar në gabime të personave përgjegjës gjatë procesit të numërimit.

Jo pak ankesa ka pasur këto ditë, me vëmendjen kryesore te ish-ministrja Haradinaj-Stublla.

Nga kandidatët e Suharekës është kandidatja e AAK-së, Albana Bytyqi, e cila ka deponuar ankesë pranë PZAP-së.

Bytyqi e cila në zgjedhjet e 14 shkurtit ka marr 4398, është ankuar në PZAP për mungesë të votave dhe ankesën e ka ngritur ndaj këshillit të vendvotimit.