Gjest i mirë, qytetari nga Suhareka e gjenë portofolin me 1080€, i’a kthen pronarit

Rastet kur gjërat e vlefshme na humbin nuk janë të rralla dhe jo rrallë herë ndodh të humbet telefoni, portofoli apo edhe çelësat e makinës.

Se njerëzit e mirë ende ekzistojnë tregojnë vet rastet kur lajmërohen qytetarët që tregojnë se kanë gjetur gjësende të huaja.

Një rast i tillë i ka ndodhur sot një qytetari nga fshati Duhël i Suharekës i cili kishte hasur në një portofol me 1080€, shkruan SuharekaOnline.

Bajram Bujari nga Duhla për redaksinë tregon se portofolin e kishte gjetur në Duhël dhe kishte vërejtur se brenda saj ishte shuma e parave prej 1080€ dhe gjithashtu dokumentet personale të pronarit si letërnjoftimi dhe patentshoferi.

Gjithashtu brenda portofolit gjendej dhe një faturë ku ishte edhe numri i pronarit, të cilin e kishte thirrur dhe i ka treguar që portofoli i tij është gjetur dhe mund ta marr tek ai.