(FOTO) Nga marsi deri më tani në Komunën e Suharekës janë regjistruar 688 raste me COVID-19

Numri i të infektuarve me COVID-19 ditëve të fundit ka shënuar një rënie të dukshme, por shqetësuese mbetet numri i viktimave.

Zëdhënësi i Ministrisë së Shëndetësisë, Faik Hoti gjatë ditës së sotme ka publikuar një fotografi ku bëhet i ditur numri i përgjithshëm i rasteve pozitive, numri i rasteve aktive dhe numri i viktimave, shkruan SuharekaOnline.

Në këtë fotografi paraqiten rastet që nga data 13 mars (2020) deri më 14 dhjetor (2020) e ku sipas këtyre të dhënave bëhet e ditur se në Komunën e Suharekës që nga 13 marsi deri më 14 dhjetor janë regjistruar 688 raste pozitive me COVID-19.

Nga 688 raste gjithsej në Komunën e Suharekës 432 raste janë shëruar dhe 45 kanë vdekur, ndërsa numri i rasteve aktive deri më 14 dhjetor ka qenë 211.

Sipas kategorizimit që ka bërë Qeveria e Kosovës, Komuna e Suharekës bënë pjesë në zonën e verdhë.

Ndryshe dje në Komunën e Suharekës janë regjistruar edhe 5 raste të reja me COVID-19 dhe është raportuar për një viktimë.