Dy mandate deputet i kuvendit, për shpenzime të udhëtimit Muharremaj u kompenzua mbi 10 mijë euro

Deputetë i Kuvendit të Kosovës ka qenë edhe kryetari aktual i Komunës së Suharekës, Bali Muharremaj për dy mandate, dhe atë në legjislaturën e IV dhe të V-të.

Në bazë të publikimeve të Kuvendit të Kosovës për periudhën Nëntor 2011 – Korrik 2017, Muharremaj sa ishte deputet për shpenzime të udhëtimit është kompenzuar në shumën prej 10,200.00 EURO.

Kompensimi i shpenzimeve të udhëtimit të deputetëve është bërë në bazë të vendimit të kryetarit të Kuvendit të Republikës së Kosovës, nr. 04-V-079, të datës 10 tetor 2011, i nxjerrë në bazë të nenit 20 të Ligjit nr. 03/L-111 për të drejtat dhe përgjegjësitë e deputetit.

Deputeti kompensohet për shpenzimet e udhëtimit si në vijim: deri në 30 km – 10 euro, deri në 60 km – 20 euro dhe mbi 60 km – 30 euro, për pjesëmarrje në punimet e seancës plenare dhe në komisione. 

Kompensimi i shpenzimeve të udhëtimit nuk nënkupton shpenzimet për derivate, por për të gjitha mënyrat e udhëtimit.