Bie numri i rasteve pozitive me COVID-19 në Suharekë, për 7 ditë vetëm 21 të tilla
Numri i të infektuarve me COVID-19 ditëve të fundit në Kosovë ka shënuar rënie të dukshme, duke krahasuar me muajt e kaluar. Një gjë e tillë po bëhet e ditur nga raportimet ditore Instituti Kombëtar i Shëndetësisë Publike në Kosovë, shkruan SuharekaOnline. Edhe në Komunën e Suharekës gjendja me pandeminë COVID-19 është më e qetë, […]
Numri i të infektuarve me COVID-19 ditëve të fundit në Kosovë ka shënuar rënie të dukshme, duke krahasuar me muajt e kaluar.
Një gjë e tillë po bëhet e ditur nga raportimet ditore Instituti Kombëtar i Shëndetësisë Publike në Kosovë, shkruan SuharekaOnline.
Edhe në Komunën e Suharekës gjendja me pandeminë COVID-19 është më e qetë, duke e krahasuar me muajt e kaluar.
SuharekaOnline ka grumbulluar statistikat e publikuara në raportet e Institutit Kombëtar të Shëndetësisë Publike të Kosovës (IKSHPK) që nga data 30 Prill deri më 6 Maj.
Sipas këtyre raporteve bëhet e ditur se në Komunën e Suharekës për 7 ditë janë regjistruar vetëm 21 raste pozitive me COVID-19.
Ndryshe, gjatë ditës së enjte në Komunën e Suharekës nuk është regjistruar asnjë rast pozitiv me COVID-19.
Rikujtojmë se në muajin prill të këtij viti në Komunën e Suharekës janë konfirmuar 153 raste poztive me COVID-19 dhe janë regjistruar 9 viktima të moshave të ndryshme nga ky virus.
Data | Rastet |
30 Prill | 8 raste |
1 Maj | 8 raste |
2 Maj | 3 raste |
3 Maj | 0 raste |
4 Maj | 2 raste |
5 Maj | 0 raste |
6 Maj | 0 raste |
Total | 21 raste |