Arrestohet dhe dërgohet në mbajtje suharekasi i cili sulmoi fizikisht një familjare

Sigurimi Internacional

Ofertë speciale

Dhuna në familje është njëri nga fenomenet më shqetësuese për shoqërinë dhe njëra ndër sfidat më të mëdha për institucionet e vendit.

Ky fenomen çdo ditë e më shumë po rritet, një gjë e tillë po bëhet e ditur nga Policia e Kosovës.

Në Policinë e Kosovës në Suharekë gjatë ditës së dielë një femër ka raportuar se është sulmuar fizikisht nga një familjar i saj.

Si pasojë e sulmit, viktima ka pësuar lëndime trupore, përçka ka pranuar edhe tretman mjekësor.

“Suharekë 04.06.2023-23:30. Viktima femër kosovare ka njoftuar së është sulmuar fizikisht nga i dyshuari mashkull kosovar dhe e dyshuara femër kosovare. Viktima ka pranuar tretman mjekësor.

Të dyshuarit janë intervistuar dhe me vendim të prokurorit rasti shkon në procedurë të rregullt.” thuhet në njoftimin e policisë.

Lidhur me këtë rast Policia e Kosovës në Suharekë ka njoftuar se në konsultim me prokurorin pas intervistimit ka arrestuar personin e dyshuar dhe i njëjti është dërguar në mbajtje.

“Suharekë 04.06.2023-23:30. Lidhur me rastin më  05.06.2023 është arrestuar i dyshuari mashkull kosovar në konsultim me prokurorin pas intervistimit i dyshuari është dërguar në mbajtje.” thuhet tutje në raportin e policisë.