Aksidentohen dy vetura në Qafën e Duhlës, lëndohen 5 persona

Një aksident trafiku ka ndodhur sot tek Qafa e Duhlës.

Dy vetura janë aksidentuar sot tek Qafa e Duhlës, ku si pasojë e aksidentit janë lënduar disa persona, raporton SuharekaOnline.

Sipas burimeve të redaksisë është bërë e ditur se njëra nga veturat ishte nga qyteti i Gjilanit dhe njëra nga Suhareka.

Në vendin e ngjarjes përveç Policisë së Suharekës kanë dal edhe ekipi i Urgjencës dhe Zjarrfikësve.

Mjeku kujdestar, Ilir Sopaj ka konfirmuar për SuharekaOnline se të lënduarit janë dërguar në Spitalin Rajonal të Prizrenit për të marrë trajtimin e mëtutjeshëm mjekësor, duke shtuar se njëri nga të aksidentuarit ishte i lënduar në kokë.