Aksident trafiku në Suharekë, dy persona të lënduar

Një aksident trafiku ka ndodhur sot në hyrje të qyetit të Suharekës, ku janë përfshirë dy vetura me targa vendore.

Nga stacioni i Policisë në Suharekë për SuharekaOnline është konfirmuar se aksidenti ka ndodhur pas orës 11:00, në hyrje të Suharekës saktësisht në Hisar, ku janë përfshirë dy vetura me targa vendore dhe janë lënduar dy persona.

Shkaku i aksidentit nga zyrtarë policor thuhet se ka qenë shpejtësia e madhe dhe mos respektimi i shenjave që janë të vendosura në atë zonë.

Të lënduarit janë dërguar në Emergjencë për të marrë tretmanin mjekësor.

Ndërsa i kontaktuar nga SuharekaOnline, drejtori QKMF-së në Suharekë, Arbër Zenelaj ka treguar për gjendjën e të lënduarve, ku thotë se njëri nga të lënduarit ka pësuar gjakderdhje të jashtme në pjesën e skalpit, por ai thekson se nuk ka ndonjë rrezik për jetë.

© SuharekaOnline. Të gjitha të drejtat janë të rezervuara.