Abdixhiku: Ardian Shala përveç se është doktor i mirë, është edhe kryetar i denjë i Suharekës

Abdixhiku: Ardian Shala përveç se është doktor i mirë, është edhe kryetar i denjë i Suharekës
Çlirim Gashi

22.06.2021 / Suhareka

Kryetari i LDK-së, Lumir Abdixhiku, ka filluar përgatitjet për zgjedhjet lokale që priten të mbahen në tetor të këtij viti.

Abdixhiku së bashku me zyrtarë të tjerë gjatë tërë ditës ka qëndruar në Suharekë, përcjell “Bota sot”.

Ai e me këtë rast ka ftuar qytetarët e Suharekës t’i bashkohen fitores së LDK-së në Suharekë.

Ja shkrimi i Adixhikut:

Sot, me bashkëpunëtorë e me kandidatin tonë Dr. Ardian Shalën, gjithë paraditën e pasditën e kaluam në Suharekë.

Në mëngjes nderuam varrin e ish-kryetarit të LDK-së e Suharekës Ukë Bytyçit; dhe dy shoqëruesve të tij Bafti Bajrami dhe Bajram Bytyçi. Nderuam dëshmorët e UÇK-së, Imer e Skender Bytyçi. Pasdite nderuam edhe dëshmorin e kombit, Kenan Halimi. Nderuam Dëshmorët e Studençanit, Dëshmorët dhe Martirët e Grejkocit; Dëshmorët dhe Martirët e Bllacës. Vizituam edhe kullën e heroit të kombit Ramë Bllaca; një inspirim për breza të tërë.

Ditën e kalova sot, në fshatrat Semetisht, Studençan, Nëpërbisht, Grejkoc e Bllacë. U prita nga familje patriotike, atdhetare, punëtore; nga qytetarët e Suharekës. Këtu takova bujq e fermerë, punëtorë e familje që me punën e tyre na bëjnë zemrën mal gjithandej nëpër Kosovë. Takova të rinj e të reja; burra e gra, veprimtarë të devotshëm që s’shteren kurrë së vepruari.

Suhareka është vend i gjallërisë, vend që ka nxjerrë gjenerata të arta të patriotëve, punëtorëve, intelektualëve, artistëve e sportistëve. Është vendi i vreshtave e i tokave bujqësore; vendi që i jep Kosovës aq shumë – njerëz e të mira pa dallim.

Në Suharekë prezantova edhe Dr. Ardian Shalën – kandidatin tonë për zgjedhjet lokale të vjeshtës. Ai përveç se është një doktor i mirë, është edhe një kryetar i denjë i Suharekës. E njeh këtë vend në themel; i njeh njerëzit, lagjet, problemet e sfidat – zgjidhjet padyshim.

Ardiani, 43 vjeçar, kardiolog, baba i Aulonës e Nezardit dhe bashkëshort i përkushtuar i Albinës, mësueses së dalluar të shkollës 7 Marsi; asambleist në dy mandate, deputet i Parlamentit të Republikës në një mandat, anëtar i Kryesisë së Lidhjes Demokratike të Kosovës, dhe natyrisht i pari i LDK-së në Suharekë prej 2 vjetësh – është kandidati dhe kryetari më adekuat për Suharekë.

Ju ftoj të gjithëve që të na bashkoheni në këtë rrugëtim drejt fitores së LDK-së në Suharekë me Ardianin, i cili deri sot është njohur vetëm si mjeku i zemrës. Ju siguroj se prej 17 tetorit, Ardian Shala do të njihet edhe si kryetari juaj i zemrës, sepse do ta bëjë këtë vend më të mirë për ju e për gjeneratat që vijnë pas jush, me dashni e angazhim maksimal.

Ju faleminderit!

Themele të sigurta të së ardhmes, N.T.P.SH “HALITI”, gjiganti i ndërtimit në Suharekë

Të investosh në të ardhmen është gjëja më e duhur që çdo person do duhej ta ketë parasysh në secilin...

Lexo më shumë

Të fundit