Qeveria Kurti apo Hoti kanë planifikuar më shumë investime në Suharekë për vitin 2020?!
Qeveria e Republikës së Kosovës, e drejtuar nga Kryeministri Avdullah Hoti, para 1 muaj ka shqyrtuar dhe miratuar Projektligjin për plotësimin dhe ndryshimin e Ligjit për ndarjet buxhetore për Buxhetin e Republikës së Kosovës për vitin 2020 dhe masat e reja për luftimin e përhapjes së pandemisë COVID-19. Projektligji i rishikuar parasheh 1 miliard e […]
Foto: Ilustrim
Qeveria e Republikës së Kosovës, e drejtuar nga Kryeministri Avdullah Hoti, para 1 muaj ka shqyrtuar dhe miratuar Projektligjin për plotësimin dhe ndryshimin e Ligjit për ndarjet buxhetore për Buxhetin e Republikës së Kosovës për vitin 2020 dhe masat e reja për luftimin e përhapjes së pandemisë COVID-19.
Projektligji i rishikuar parasheh 1 miliard e 788 milionë euro, ndërsa totali i shpenzimeve të rishikuara të buxhetit është 2 miliardë e 620 milionë euro.
Buxheti i rishikuar për vitin 2020 adreson të gjitha sfidat e krijuara nga pandemia e virusit COVID-19 dhe gjetjen e mënyrës së financimit të realizimit të programit qeverisës. Me rishikim të buxhetit nuk janë prekur asnjë projekt kapital, derisa kursimet do të kthehen në procese normale në buxhetet e viteve të ardhshme.
Në Qeverinë Kurti totali i buxheti i këtij viti ishte 2 miliardë e 357 milionë euro.
Në buxhetin e proceduar nga Qeveria Hoti shihet se ka ndryshime në projektet të cilat janë parashikuar të realizohen gjatë këtij viti në Komunën e Suharekës.
| Projekti | Qeveria Kurti | Qeveria Hoti |
| Asfaltimi i rruges qe lidh fshatin Ngucat (Rruga Bashkim Gashi)-(Lagja Zekolli) , Suhareke | 150,000 | 75,000 |
| Ndertimi I Unazëx – Krahu I djathtë – Suharek (L – 4590 M) | 200,000 | 100,000 |
| Ndertimi I Rrugës Sopi – Shirokë (Rrethrrotullimi Leshan L – 5850 M) | 200,000 | 144,784 |
| Ndërtimi I rrugës ” Brigada 123 ” – Sheshi në Suharekë | 150,000 | 275,000 |
| Ndertimi i rruges Nishore-Kervasari, Suhareke | 15,051 | 15,051 |
| Rregullimi i shtratit të lumit Toplluha – Suharekë | 57,150 | 42,861 |
| Renovimi i Stadiumit të Qytetit në Suharekë | 100,000 | 75,000 |
| Stadiumi ne Studenqan te Suharekes | 300,000 | 200,000 |
| Ndërtimi i shtëpisë së Kulturës Ukë Bytyqi në Suharekë | 300,000 | 487,500 |
| Shkolla fillore në Caralevë – Suharekë | 50,000 | 50,000 |
| Ndërtimi i shkollen fillore ne Vraniq, Suhareke | 500,000 | 500,000 |
| Ndërtimi i shkollës fillore Vaso Pashë Shkodrani në fshatin Leshan të komunës së Suharekës | 380,000 | 202,500 |
| Ndertimi i shkolles fillore ne Doberdelan-Suharekë | 300,000 | 225,000 |
| Renovimi i Lapidareve dhe Varrezave te Deshmoreve ne Komunen e Suharekes | 100,000 | 50,000 |
| Ndertimi i Qerdhes në Suharekë | 200,000 | 175,000 |
| TOTAL | 3,002,201 | 2,617,696 |
