1600 veteranë të luftës në Suharekë marrin pagë nga shteti, numri rritet nga viti në vit!

Rritja e numrit të përfituesve nga skema e transfereve sociale për veteranët e luftës të ish- Ushtrisë Çlirimtare të Kosovës, i ka kushtuar shumë shtetit të varfër të Kosovës.

Numri i veteranëve të luftës, regjistrimi i të cilëve filloi disa vite më parë, ka qenë e mbetet temë debati në Kosovë, deri sa edhe Prokuroria po vazhdon hetimet nën dyshimet se numër i madh personash përfitojnë paligjshëm pensionin e veteranit nga shteti.

Edhe në këtë kohë të pandemisë kur u ‘dobësua’ edhe buxheti i Kosovës, veteranët e Ushtrisë Çlirimtare të Kosovës kanë marrë pagat e tyre pa ndërprerje.

Numri i veteranëve nga muaji korrik 2020 e deri në muajin shtator 2020 nuk ka qenë i njëjtë, pasi ka lëvizur nga muaji në muaj.

Kështu në Komunën e Suharekës në TM3 2020 – Prill, Maj, Korrik numri i veteranëve që kanë marr pagat nga Qeveria e Kosovës sillet rreth 1600, shkruan SuharekaOnline.

Krahasuar me periudhën e njëjtë në pesë vitet e kaluara numri i veteranëve të luftës në Komunën e Suharekës që marrin pagë nga shteti është rritur në vitin 2016 numri i veteranëve që kanë marrë pagë nga shteti ishte rreth 1257, në vitin 2017 ishte rreth1499, në vitin 2018 ishte rreth 1563, ndërsa në vitin 2019 ishte rreth 1563.

Ndërsa numri i familjeve të dëshmorëve/invalidëve të luftës që kanë marr pagë është 577.