Zyrtare: Mbrojtësi i Kosovës, Amir Rrahmani transferohet te Napoli

Mbrojtësi i Kombëtares së Kosovës, Amir Rrahmani, ka kompletuar transferimin e tij te skuadra e Napolit.

25 vjeçari do të qëndrojë te Hellas Verona deri në fund të sezonit në formë huazimi, ndërsa në verë do t’i bashkohet napolitanëve.

Menaxheri i tij, Adrian Aliaj dhe vetë mbrojtësi janë fotografuar në Napoli dhe janë zbuluar edhe detajet e transferimit. Hellas Verona do të përfitoj 14 milion euro, ndërsa vetë Rrahmani plot 1.8 milion euro në sezon.

Kapiteni i Kosovës ka nënshkruar për 5 vite dhe ka bërë lëvizjen e jetës, duke u transferuar te një nga skuadrat më të mëdha në Itali. Rrahmani do të vihet në dispozicion të Gatussos sapo të mbarojë ky sezon aktual.

© SuharekaOnline. Të gjitha të drejtat janë të rezervuara.