Urohen xhudistet kosovare për medaljet e fituara në Japoni

Urohen xhudistet kosovare për medaljet e fituara në Japoni
Çlirim Gashi

27.08.2019 / Sport

Ministri në detyrë i Kulturës, Rinisë dhe Sportit (MKRS), Kujtim Gashi, ka përgëzuar sot Majlinda Kelmendin dhe Distria Krasniqin, me rastin e fitimit të medaljeve të bronzit në kampionatin botëror në Japoni.

“Si rezultat i punës dhe paraqitjeve të tyre të jashtëzakonshme, por edhe ndihmës së madhe të Ministrisë së Sportit, vendi ynë, me hapa të sigurta drejt Lojërave Olimpike Tokio 2020. Urime Majlinda e Distria. Përgëzime Driton Toki Kuka. Urime Kosovë!”, shkruan Gashi në Facebook.

Ndryshe, xhudistja Krasniqi  mposhti me Ippon, spanjollen Laura Martinez, kategoria -48 kg, e cila është medalja e parë e saj në kampionat botëror për seniore. Ndërsa, Kelmendi për vendin e tretë ishte më e mirë se Joana Ramos nga Portugalia. 

Në Japoni prej 25 gusht e deri më 1 shtator mbahet botërori në xhudo, ku Kosova përfaqësohet me Majlinda Kelmendin, Nora Gjakovën, Distria Krasniqin, Loriana Kukën dhe Akil Gjakovën.

RAPORTO