UEFA: Deri të premten pritet largimi i Real Madrid, Man Cityt dhe Chelseas nga Liga e Kampionëve

Drejtori i Federatës Daneze njëherish edhe anëtar i Komitetit Ekzekutiv në UEFA, Jesper Moller ka njoftuar se tri skuadrat që kanë arritur në gjysmëfinale të Ligës së Kampionëve, si Real Madrid, Manchester City dhe Chelsea do përjashtohen.

Meqenëse pranuan të jenë pjesë e Superligës Evropiane, te tri klubet do përjashtohen nga të gjitha garat dhe mesa duket kjo do hyjë në funksion këtë të premte.

Këtë e ka paralajmëruar Moller, që tha se trofeu i Ligës së Kampionëve ose do t’i dorëzohet PSG-së, ose Dortmund, Atalanta dhe Porto do kualifikohen automatikisht në gjysmëfinale.

“Real Madrid, Manchester City dhe Chelsea do dalin jashtë dhe pres kjo të ndodh të premten”.

“Pastaj, trofeu ose do t’i dorëzohet PSG-së, ose klubet si Dortmund, Atalanta dhe Porto do luajnë në gjysmëfinale”, deklaroi ai.

Mbetet të shihet brenda kësaj javë tërë vendimet e UEFA-s.