Trepça-Ylli mund të mos luhet për shkak të mungesës së energjisë elektrike

Për shkak të problemeve me energji elektrike në Mitrovicë, ndeshja e Superligës së Basketbollit, mes Trepçës dhe Golden Eagle Yllit, e cila pritej të zhvillohej nesër, mund të shtyhet për një datë tjetër.

Kjo ndeshje mes dy klubeve të Superligës së Basketbollit ishte planifikuar të zhvillohej nesër në orën 17:00, në palestrën sportive në Mitrovicë, “Minatori”.Mirëpo, klubi mitrovicas ka njoftuar se për shkak të problemeve me energji elektrike, të cilat kanë filluar qysh dje në orën 19:00, zhvillimi i kësaj ndeshje është në rrezik.

I vetmi në Ballkanin Perëndimor, ISEFERI sjellë ekskluzivitetin e produkteve amerikane

“Për shkak te problemeve me energji elektrike ne qytetin e Mitrovicës, ku dje nga ora 19:00 dhe deri ne këto momente ende nuk ka rrymë ne palestrën “Minatori”, rrezikohet zhvillimi i ndeshjes KB Trepça vs Ylli e cila do të zhvillohet nesër nga ora 17:00?. Edhe ne jemi Mitrovicë?”, njoftoi Trepça përmes llogarisë në Facebook.

Ndeshja mes këtyre dy klubeve është e vlefshme për javën e 16-të në kuadër të këtij sezoni të Superligës së Basketbollit të Kosovës.

Sigurimi Internacional

Ofertë speciale