Të dielën ndeshje interesante në Suharekë, Ballkani – Gjilani
Çlirim Gashi
22.04.2021 / Sport
Në fundjavë pritet të zhvillohen ndeshjet e javës së 30-të në Superligën e Kosovës në futboll.
Kjo javë pritet të sjellë ndeshje tejet interesante në këtë kompeticion.
Në kuadër të kësaj jave FC Ballkani do të presë SC Gjilanin në stadiumin e qytetit në Suharekë.
Kjo ndeshje pritet të zhvillohet të dielën me fillim prej orës 15:00.
Aktualisht Ballkani gjendet në pozitën e dytë në tabelë me 61 pikë, derisa Gjilani në vendin e katërt me 43 pikë.
Kujtojmë se në fundjavën që lamë pas, Ballkani ka shënuar fitore ndaj Feronikelit me rezultat 2-0, ku golashënuesit ishin Krasniqi dhe Daku.
