Sot ndeshje interesante në Suharekë, Ballkani – Feronikeli

Sot ndeshje interesante në Suharekë, Ballkani – Feronikeli
Çlirim Gashi

21.02.2021 / Sport

Java e 20-të në Superligën e Kosovës në futboll do të vazhdojë sot me dy ndeshjet tjera.

Një përballje shumë interesante do të jetë ajo mes Ballkanit dhe Feronikelit që nis me fillim nga ora 13:30 në stadiumin e qytetit në Suharekë.

Suharekasit do të tentojnë të shfrytëzojnë gabimin e Dritës dhe me fitore eventuale sot do ta merrnin primatin në tabelë.

Në anën tjetër, Feronikeli me fitore sot do të largohej edhe më shumë nga zona e rrezikshme.

Dueli tjetër interesant do të jetë mes Llapit dhe Gjilanit që nis nga ora 13:00 dhe luhet në stadiumin “Zahir Pajaziti”.

Gjilani me fitore do të mbante gjallë shpresat për një vend në garat evropiane, kurse Llapi do të largohej edhe më shumë nga zona e rrezikshme. 

KF Llapi – SC Gjilani, ora 13:00

Ballkani – Feronikeli, ora 13:30

RAPORTO