Shembulli i Italisë, lojtarët dhurojnë premiot për familjet në nevojë

Shembulli i Italisë, lojtarët dhurojnë premiot për familjet në nevojë
Taulant Krasniqi

17.07.2021 / Sport

Kampioni i ri i Evropës, Italia është duke dhënë shembuj si brenda fushës edhe jashtë saj.

Shembullin në fushë, italianët e kanë dhënë në triumfin në Kampionatin Evropian duke treguar se janë një grup i bashkuar.

Ndërsa tani italianët edhe jashtë fushës po konfirmojnë se mbi të gjitha janë humanë dhe njerëz solidarë.

Siç është mësuar, skuadra italiane e drejtuar nga Roberto Mancini, do të dhurojë premiot e fituara nga Federata e Futbollit për familjet në nevojë dhe se ato premio nuk janë pak.

Premio që kanë marrë Kampionët e Evropës është 250 mijë euro për kokë për çdo lojtarë.

Këto para do të shkojnë për familjet në nevojë dhe do të shpërndahen në organizata humanitare.

Kapiteni i Azzurëve, Giorgio Chiellini ka sqauar se ato premio nuk do të kalojnë në llogaritë e lojtarëve, por direkt do të shpërndahen në disa shoqata për njerëzit në nevojë dhe në vështirësi nga pandemia COVID-19.

Një veprim që sigurisht gezon qindra familje dhe për më tepër tregon edhe një herë solidaritetin e madh dhe gjestin e rrallë të kampionëve të Europës.

Tashmë Italia tregon se janë kampionë të vërtetë brenda dhe jashtë fushe.

Themele të sigurta të së ardhmes, N.T.P.SH “HALITI”, gjiganti i ndërtimit në Suharekë

Të investosh në të ardhmen është gjëja më e duhur që çdo person do duhej ta ketë parasysh në secilin...

Lexo më shumë

Të fundit