Renditja tabelare në Superligë, KB Ylli në pozitën e 4-të
Golden Eagle Ylli në ndeshjen e fundit ka mposhtur Sigal Prishtinën me rezultat 78:73 (12:17, 20:18, 22:19, 24:19) në kuadër të xhiros së 11-të të Superligës së Kosovës në basketboll. Suharekasit e nisën më mirë pjesën e dytë, përkatësisht periudhën e tretë, 22:19, kurse rezultati në semafor pas 30 minutash ishte 54:54. Në 10 minutat […]
Foto: Ilustrim
Golden Eagle Ylli në ndeshjen e fundit ka mposhtur Sigal Prishtinën me rezultat 78:73 (12:17, 20:18, 22:19, 24:19) në kuadër të xhiros së 11-të të Superligës së Kosovës në basketboll.
Suharekasit e nisën më mirë pjesën e dytë, përkatësisht periudhën e tretë, 22:19, kurse rezultati në semafor pas 30 minutash ishte 54:54. Në 10 minutat e fundit u vendos fituesi i kësaj përballje. Ylli shkëputet në 74:67, por prishtinasit nuk dorëzohen dhe afrojnë rezultatin në 74:73, megjithatë, nuk arritën të bëjnë më shumë dhe Golden Eagle Ylli triumfoi 78:73.
Te Golden Eagle Ylli u dalluan Cody John me 16 pikë e pesë asistime, Demetris Morant me 12 pikë e 12 kërcime, Samir Zekiqi me 13 pikë dhe Valon Bunjaku dhe Egzon Kuqi me nga 12 pikë, kurse te Sigal Prishtina u dalluan Fisnik Rugova dhe Edmond Azemi me 19, përkatësisht 17 pikë.
Prandaj me këtë fitore klubi nga Suhareka, KB Golden Eagle YLLI ndodhet në pozitën e 4-të me 17 pikë duke lënë mbrapa Bashkimin dhe Vëllaznimin.
Kujtojmë se Golden Eagle Ylli ka gjashtë fitore dhe pesë humbje.
Më poshtë tabela e Superligës:
| 1. Rahoveci | 19 Pikë |
| 2. Ponte Prizreni | 19 Pikë |
| 3. Peja | 18 Pikë |
| 4. KB Ylli | 17 Pikë |
| 5. Bashkimi | 17 Pikë |
| 6. Vëllaznimi | 16 Pikë |
| 7. Sigal Prishtina | 14 Pikë |
| 8. Trepça | 13 Pikë |
