Në fundjavën që lamë pas u zhvilluan ndeshjet e xhiros së 30-të në Superligën e Kosovës në futboll.

Gjatë kësaj xhiro u zhvilluan ndeshje tejet interesante.

Ndeshja që mori vëmendje ishte ajo e Ballkanit ndaj Gjilanit si dhe Dritës ndaj Prishtinës.

Ndeshja Ballkani – Gjilani u zhvillua dje me fillim prej orës 15:00 në stadiumin e qytetit në Suharekë.

Ballkani ka shënuar fitore si vendas, duke e mposhtur Gjilanin me rezultat 1-0. Kjo fitore ia mundëson Ballkanit të marrë kryesimin e renditjes, me 64 pikë.

Ballkani kaloi në epërsi dhe vendosi fitoren me golin e Mevlan Zekës.

Ndërsa, Prishtina e ka fituar ndeshjen mjaft interesante në stadiumin e qytetit në Gjilan ndaj Dritës, me rezultat 2-1. Prishtinasit fituan falë eurogolit të Endrit Krasniqi dhe golit të Besnik Krasniqit, derisa për Arbërinë një gol e realizoi Betim Haxhimusa.

Po ashtu në këtë xhiro u zhvilluan edhe ndeshjet Drenica – Feronikelit dhe Arbëria – Besa.

Drenica ka barazuar në shtëpi në duel me Feronikelin, me rezultat 1:1. Kuqezinjtë e Skenderajt arritën t’i shmangen humbjes me golin e shënuar në minutat shtesë, kur Kreshnik Uka realizoi me gjuajtje të shkëlqyeshme nga ndërprerja. Feronikeli kishte epërsi që nga minuta e parë, me golin e Marko Simonovskit, pas asistimit të Silvas. Pas këtij barazimi, Drenica renditet e teta me 34 pikë (pozitë kjo që çon në barazh), ndërsa Feronikli me 35 pikë mban pozitën e gjashtë.

Në ndeshjen tjetër, skuadra e parafundit në renditje, Arbëria ka arritur të kthehet te fitorja, duke e mundur skuadrën e fundit në renditje dhe pa shpresa për mbijetesë në elitë, Besën, me shifrat 2:1. Të parët në epërsi kaluan pejanët me golin e Etnik Brrutit, në minutën e 52-të. Por, vendasit u kundërpërgjigjen shpejt dhe në minutën e 65-të barazuan shifrat me golin e Santos, derisa në minutën e 85-të Hysen Bytyqi shënoi golin e fitores. Edhe pas këtij triumfi Arbëria mbetet në vendin e nëntë me 30 pikë, por mbanë gjallë shpresat për t’iu shmangur rënies nga elita.

Më poshtë renditja tabelare e Superligës së Kosovës në futboll pas javës së 30-të:

Ekipet	Pikët
1. Ballkani	64
2. Drita	64
3. Prishtina	63
4. Gjilani	43
5. Llapi	39
6. Feronikeli	35
7. Trepça ’89	35
8. Drenica	34
9. Arbëria	30
10. Besa	10