Publikohet orari i ndeshjeve të FINAL 8 të Kupës së Kosovës, e cila zhvillohet në Suharekë

Publikohet orari i ndeshjeve të FINAL 8 të Kupës së Kosovës, e cila zhvillohet në Suharekë

Këtë javë palestra “13 Qershori” do të jetë arenë e ndeshjeve të Final 8 Kupës së Kosovës.

Tetë skuadrat e Superligës së meshkujve, dy finalistet në konkurrencën e femrave dhe katër skuadrat e Ligës së Parë të Meshkujve do të garojnë për trofetë të çmuar në basketbollin e Kosovës.

Nga dita e mërkurë deri të dielën pritet spektakël i basketbollit me shumë përballje interesante dhe dramatike.


Sfidat fillojnë të mërkurën, ku Rahoveci do të përballet me Trepçën. Këto dy skuadra ishin ballafaquar edhe vitin e kaluar, ku Vreshtarët kaluan tutje në një sfidë shumë dramatike. Trofeu i Kupës është shumë i dëshiruar për të dy skuadrat, që do të japin maksimumin për të triumfuar dhe për tu kualifikuar në gjysmëfinale.

Golden Eagle Ylli-Bashkimi është sfida tjetër që po pritet me interesim të madh. Therandasit janë më favoritë, por prizrenasit nuk dorëzohen dhe synojnë të arrijnë sa më lartë. Bashkimi kishte arritur edhe në finale të Superkupës, ku ishte mundur nga Sigal Prishtina.

Ponte Prizreni dhe Vëllaznimi përballen të enjten, me të dy skuadrat që duan kualifikimin tutje, ndërsa sfida e fundit çerekfinale është mes rivalëve të vjetër në basketbollin e Kosovës Pejës dhe Sigal Prishtinës. Pejanët fituan Kupën edicionin e kaluar, kurse prishtinasit janë skuadra më e trofeshme në vend, ku sigurisht se duan të shtojnë edhe një trofe në sirtar.

Ndeshjet gjysmëfinale do të zhvillohen të premten, kur do të zhvillohet edhe finalja e Kupës në Ligën e Parë. Ndërkohë, të dielën më 7 shkurt do të jetë dita e finaleve. Derisa në konkurrencën e meshkujve finalistët ende nuk janë përcaktuar, në konkurrencën e femrave do të përballen Prishtina dhe Bashkimi.

Këto dy skuadra në vitet e fundit kanë luftuar për trofe, si në Kupë, Superligë dhe Superkupë, andaj pritet një sfidë shumë interesante mes këtyre dy skuadrave me traditë në basketbollin e Kosovës.

Me përforcimet që kanë bërë, të dy skuadrat do të luftojnë deri në fund për të triumfuar në Kupë.

Orari

E mërkurë

13:00 Istogu – RC Cola Drita 

16:00 Grupi B: Rahoveci – Trepça

18:30 Hapja solemne

19:00 Grupi C: Golden Eagle Ylli – Bashkimi

E enjte

13:00 Marigona Hill Prishtina – AS Prishtina

16:00 Grupi D: Ponte Prizreni – Vëllaznimi

19:00 Grupi A: Peja – Sigal Prishtina

E premte

13:00 Finalja: Kupa e Ligës së Parë

16:00 Gjysmëfinalja e I (Fituesit e grupit B-C)

19:00 Gjysmëfinalja e II (Fituesit e grupit D-A)

E diel

14:00 Finalja e Femrave

17:30 Finalja e Meshkujve

KOMENTE0

Leave a Reply

Your email address will not be published. Required fields are marked *

N'minuta
Suharekë, rruga e lagjes “Fan Noli” vërshohet nga mbeturinat, ankohen qytetarët
Suharekë, rruga e lagjes “Fan Noli” vërshohet nga mbeturinat, ankohen qytetarët
[FOTO] Vetura përplaset me ujkun në autostradën Prizren-Suharekë
[FOTO] Vetura përplaset me ujkun në autostradën Prizren-Suharekë
Disa të rinj kapen në video duke dëmtuar ulëset në “Shtigjet e Ecjes”, Muharremaj kërkon intervenimin e policisë
Disa të rinj kapen në video duke dëmtuar ulëset në “Shtigjet e Ecjes”, Muharremaj kërkon intervenimin e policisë
Ganimete Hoxha nga fshati Budakovë ka nevojë për ndihmën tuaj
Ganimete Hoxha nga fshati Budakovë ka nevojë për ndihmën tuaj
Suharekë, zjarrfikësit vazhdojnë të përballen me zjarre malore
Suharekë, zjarrfikësit vazhdojnë të përballen me zjarre malore
Ambient i pastër, “betonizohet” rruga në Zonën Industriale
Ambient i pastër, “betonizohet” rruga në Zonën Industriale
Zjarr mbi fshatin Sallagrazhdë
Zjarr mbi fshatin Sallagrazhdë
Kapen me marihuanë, arrestohen 4 të rinj në Suharekë
Kapen me marihuanë, arrestohen 4 të rinj në Suharekë
Aksident në autostradë në drejtimin Suharekë-Prizren, raportohet për të lënduar
Aksident në autostradë në drejtimin Suharekë-Prizren, raportohet për të lënduar
Aksident në autostradë në drejtimin Suharekë-Prizren, një person i lënduar rëndë
Aksident në autostradë në drejtimin Suharekë-Prizren, një person i lënduar rëndë