Po dominon futbollin evropian, ky pritet të jetë zëvendësuesi i Lewandowskit tek Bayerni

Haller po konsiderohet si pasues i mundshëm i Robert Lewandowskit në rast të largimit.

Bavarezët kanë frikën se po e humbasin yllin polak, Lewandowskin në fund të sezonit, kjo pasi që klubi spanjoll, Real Madrid ka qenë prej kohësh i lidhur me transferimin e tij.

Ndonëse është ende herët për ndonjë lëvizje të mundshëm të polakut në drejtim të Real Madridit, megjithatë Bayern Munich kanë etiketuar objektivin kryesor të tyre për zëvendësim të mundshëm të Lewas.

Sipas mediumit Fichajes, sulmuesi nga Bregu i Fildishtë, Haller është në krye të listës së objektivave të tyre.

Kujtojmë se, Sebastian Haller ka befasuar dhe po vazhdon të befasojë të gjithë me nivelin e treguar tek klubi i Ajaxit, kjo pasi që ka shënuar 28 gola dhe 8 asistime nga 27 ndeshjet e zhvilluara në të gjitha garat.

Prej këtyre 28 golave, 16 vijnë nga Eredivisie, ndërsa të tjerat në Ligën e Kampionëve.