Përfundon me sukses edicioni i dytë i “Suhareka Open”, Beson Gashi triumfon në finale

Në këtë finale të këtij turneut triumfoi Beson Gashi 2:1 në sete ndaj tenistit, Lirim Gashi, ku para finales pati ndeshje të veçantë.

Ndeshje e veçantë u luajt mes Ganimete Morina e Pranver Musaj para finales.

Morina e Musaj para pak javësh u shpallën kampione në Asociacionin e Para-Tenisit në Kosovë, kjo në Lojërat e Para Sportit të Kosovës 2022, të mbajtur në Vushtrri.

Po ashtu, në këtë turne “Suhareka Open” morën pjesë edhe disa nga lojtarë amator nga Komuna e Suharekës, kurse gjyqtare e kësaj finale ishte Blearta Ukëhaxhaj.

Në ditën finale ishin prezentë edhe kryetari i Komunës sonë Bali Muharremaj dhe drejtoresha e sportit, Lorika Gashi.