09.09.2019, 20:34

Pas paraqitjeve të mira, dy gjigantët e Championsit e duan Vedat Muriqin

Paraqitja prej një ‘jashtëtokësori’ në ndeshjen e së shtunës kundër Republikës Çeke ka bërë që gjigantët evropianë të hidhen në sulm për shërbimet e Vedat Muriqit.

Muriqi shkëlqeu në ndeshjen kundër Çekisë duke shënuar një gol dhe duke ndihmuar ekipin në të gjitha fazat e ndeshjes.

Jo vetëm me Kosovën, Muriqi po paraqitet jashtëzakonisht mirë edhe tek klubi turk, Fenerbahce, atje ku po shënon javë për javë.

E këto paraqitje të mira kanë ndikuar që Napoli e Tottenham të hidhen në sulm për shërbimet e sulmuesit prizrenas.

Mediat turke raportojnë se edhe Lazio e Fiorentina kanë shprehur interesim për t’i siguruar shërbimet e sulmuesit kosovar, transmeton reporteri.

LEXO EDHE:  Ismet Munishi apo Ismet Kloppi, shikoni se si i trajton futbollistët e tij trajneri i njohur

Muriqi do të ketë mundësinë që t’iu bie në sy në ndeshjen kundër Anglisë, ndeshje kjo e cila zhvillohet nesër  nga ora 20:45 në stadiumin ‘St. Marys’.

© SuharekaOnline. Të gjitha të drejtat janë të rezervuara.